பேரழிவுகள் !

உலகலாவிய ரீதியில் பெரும்பான்மை மக்கள் இறைநிராகரிப்பாளர்கள் அல்லது இணைவைப்பாளர்களாகவே இருக்கின்றார்கள்!

---

உலக மக்கள் தொகையில் மதரீதியான கணிப்பில் கிறிஸ்தவர்கள் தான் அதிகமாக இருப்பதாக அவர்கள் சார்ந்த ஆய்வுகள் கூறிக் கொண்டிருக்கின்றன. பொதுவாக கிறிஸ்தவர்களிடம் மதரீதியான வணக்க வழிபாடுகளில் ஈடுபாடு குறைவாக காணப்பட்டாலும் டிசம்பர் மாதத்தின் 25ஆம் திகதி மட்டுமாவது உலக வாழ் கிறிஸ்தவர்கள் அனைவரும் ‘தேவனுக்கு மகன் இருக்கின்றான்’ என்ற கொள்கையை பிரதிபளிக்கும் வகையில் ஒரே குரலில், ‘எல்லாம் வல்ல இறைவனுக்கு குமாரன் இருப்பதாக’ அபாண்டத்தை பிரஸ்தாபித்து தமது வணக்க வழிபாடுகளில் ஈடுபடுகின்றனர்.

இந்த உலகின் பெரும் எண்ணிக்கையான மக்கள் உரத்த குரலில் அல்லாஹ்வுக்கு இணைகற்பிக்கும் இந்த மாபெரும் அநியாத்தை தாங்க முடியாமல் ‘நாம் வாழும் பூமி பிளந்து, நாம் பார்க்கும் வானம் வெடித்து, எம்மை சூழவுள்ள மலைகள் சிதறுண்டு விட முனைகின்றன’ என்று எல்லாம் வல்ல அல்லாஹ் எமக்கு ஞாபகப் படுத்துகின்றான்.

இணைவைப்பின் விளைவாக ஏற்படும் பேரழிவு!

கிறிஸ்தவர்கள் வணங்கிக் கொண்டிருக்கும் ஈஸா நபியின் தாய் மர்யம் (அலைஹி வஸல்லம்) அவர்களின் பெயரிலே அருளப்பட்ட அத்தியாயத்தின் இறுதிப் பகுதியில் அல்லாஹ் பின்வருமாறு கூறுகின்றான்.

இன்னும், “அர்ரஹ்மான் (தனக்கென) ஒரு குமாரனை எடுத்துக் கொண்டுள்ளான்” என்று அவர்கள் கூறுகிறார்கள்.

وَقَالُوْا اتَّخَذَ الرَّحْمٰنُ وَلَدًا ؕ‏

(அல் குர்ஆன்: 19:88)

“நிச்சயமாக நீங்கள் அபாண்டமான (ஒரு கூற்றைக்) கொண்டு வந்திருக்கிறீர்கள்.

لَـقَدْ جِئْتُمْ شَيْــٴًـــا اِدًّا ۙ‏

(அல் குர்ஆன்: 19:89)

இவர்களின் இந்தக் கூற்றினால் வானங்கள் வெடித்து பூமி பிளந்து மலைகள் சிதறுண்டு விடும் போதிலும்.

تَكَادُ السَّمٰوٰتُ يَتَفَطَّرْنَ مِنْهُ وَتَـنْشَقُّ الْاَرْضُ وَتَخِرُّ الْجِبَالُ هَدًّا ۙ‏

(அல் குர்ஆன்: 19:90)

அவர்கள் அர்ரஹ்மானுக்கு ஒரு குமாரன் உண்டென்று தாவாச்செய்வதினால்-

اَنْ دَعَوْا لِـلرَّحْمٰنِ وَلَدًا‌ ۚ‏

(அல் குர்ஆன்: 19:91)

ஒரு குமாரனை எடுத்துக் கொள்வது அல்லாஹ்வுக்குத் தேவையில்லாதது.

وَمَا يَنْۢبَـغِىْ لِلرَّحْمٰنِ اَنْ يَّتَّخِذَ وَلَدًا ؕ‏

(அல் குர்ஆன்: 19:92)

இந்த வசனம் பேரழிவுகள் இணைவைப்பு அதிகமதிகம் இடம் பெறும் இடங்களிலும், கிறிஸ்தவக் கொண்டாட்டங்கள் அதிகம் நிறைந்த இடங்களிலும் நிகழ்வதன் மூலம் யதார்த்தை மிகத் தெளிவாக எடுத்துக் காட்டுகின்றது.

முஸ்லிம்களாகிய நாம் செய்ய வேண்டியது என்ன?

வெறுமனே “நான் முஸ்லிம்! நான் கிறிஸ்துமஸ் கொண்டாடங்களில் பங்குபெறவோ அல்லது வாழ்துக்களை பரிமாறவோ மாட்டேன்” என்று சமூக வலைத்தளங்களில் பதிவுகளை இட்டால் மாத்திரம் போதாதது!

மாறாக கிறிஸ்தவர்கள் உரத்த குரலில் இறைவனுக்கு இணைகற்பிக்கும் போது நாமும் குறிப்பாக இந்த தினங்களில் எல்லாம் வல்ல அல்லாஹ்வின் ஏகத்துவத்தை எடுத்தியம்பும் அல்குர்ஆனிய வசனங்களை ஓத வேண்டும்.

மேலும், அல்லாஹ்வின் வல்லமைகளையும் அவன் அதிகாரங்களையும் பற்றி சிந்தித்து அவனை ஞபாகப்படுத்த வேண்டும்.

மேலும் அவனை பேற்றக் கூடிய ஏகத்துவக் கலிமாவாகிய

“ لا إله الا الله وحده لاشريك له له الملك وله الحمد يحي ويميت وهو على كل شيء قدير “

“லா இலாஹ இல்லல்லாஹு வஹ்தஹு லா ஷரீக லஹு, லஹுல் முல்கு வலஹுல் ஹம்து யுஹ்யி வயுமீது வஹுவ அல குல்லி ஷய்இன் கதீர்”

என்ற திக்ரை அதிமதிகம் சொல்லிக் கொண்டே இருக்க வேண்டும்.

சூரத்துல் இஹ்லாஸை (அல் குர்ஆன்: 112) ஓதி அதன் விளக்கத்தை நமக்குல் பரிமாறிக் கொள்தன் மூலம் ஏகத்துவம் தொடர்பான விளக்கத்தையும் இணைவைப்பின் விபரீதங்களையும் தெளிவுபடுத்தலாம்.

ஸூரத்துல் இஃக்லாஸ் (112)(ஏகத்துவம்)