குர் ஆன் கல்வி அல் குர் ஆன் வழியில் இஸ்லாமை தெரிந்திட
அல்லாஹ் வானங்களை ஒன்றன் பின் ஒன்றாக தட்டுத்தட்டாகப் படைத்துள்ளான். அவன் வானங்கள் மற்றும் பூமிகளை பல நோக்கங் களுக்காகப் படைத்துள்ளான். அதிலொன்று தான் எங்களில் யார் சிறந்த அமல் செய்கிறார் என்பதைச் சோதிப்பதற்காக.
(உங்களில் அழகிய செயல்பாடுகள் உள்ளவர் யார்? என்பதைச் சோதிப்பதற்காக அவனே வானங்களையும், பூமியையும் ஆறு நாட்களில் படைத்தான்.) அல் ஹூ -7
(அளவற்ற அருளாளனின் படைப்பில் எந்த முரண்பாடுகளையும் நீர் காணமாட்டீர்)
அவைகளில் ஏற்றத் தாழ்வு எதுவும் கிடையாது. மாறாக, சமமாக இருக்கிறது. அதில் எவ்விதக் குறைகளும் கிடையாது.
(மீண்டும் பார்ப்பீராக! ஏதேனும் குறையைக் காண்கிறீரா?)
ஆதமுடைய மகனே! வானத்தைப் பார்த்து சிந்தித்துப்பார். அல்லாஹ் எவ்வாறு படைத்திருக்கிறான் என்ற அவனது வல்லமை உனக்குத் தெளிவாகும். அதில் ஏதாவது குறைகள் இருக்கின்றனவா? அல்லது ஏதாவது பிளவுகள் இருக்கின்றனவா?
இப்னுஅப்பாஸ் (ரழி), முஜாஹித் (ரழி), லஹ்ஹாக் (ரழி), தவ்ரி (ரஹ்) ஆகியோரும் இன்னும் பலரும் இவ்வசனத்தில் வரும் ‘தஃபாவுத்” எனும் வார்த்தைக்கு விளக்கம் கூறுகின்றபோது, பிளவுகள் (வெடிப்புகள்) என கூறியிருக்கிறார்கள்.
