பாடம் 2 அத்தியாயம் 113 அல் பலக்-அதிகாலை வசனங்கள் 5

நபி(ஸல்) அவர்களுக்கு சூனியம் வைக்கப்பட்டதாக புகாரி, முஸ்லிம் போன்ற ஆதாரப்பூர்வமான நூல் களில் பதிவுசெய்யப்பட்டுள்ளது.. சிலர் இதனை மறுக்கின்றனர். காரணம் நபி(ஸல்) அவர்களுக்கு சூனி யம் வைக்கப்பட்டிருந்த காலங்களில் செய்ததை செய்யாதது போல உணர்வு இருந்ததாகக் கூறுகிறார் களே அப்படியானால் எந்த எந்த வசனங்கள் அந்தச் சூழ்நிலையில் இறங்கியவை அவை சரியானதாக இருக்குமா என்ற சந்தேகத்தை ஏற்படுத்தும் என்றும் நபி(ஸல்) அவர்கள் வஹி வந்ததை அறிவித்தபோது அதனை ஏற்க மறுத்த காஃபிர்கள் இவருக்கு சூனியம் வைக்கப்பட்டுள்ளது என்று கூறினார்கள் எனவே நாம் சூனியம் வைகக்கப்பட்டதாக ஆதாரப்பூர்வமான ஹதீஸ்களை வைத்து ஏற்றுக் கொண்டால் அவர்கள் கூறியது உண்மையாகிவிடுமே என எண்ணுகின்றனர். குர்ஆனைப் பொறுத்தவரை அதனைப் பாதுகாக் கும் பொறுப்பை அல்லாஹ்வே ஏற்றுக் கொண்டு விட்டான்.

நிச்சயமாக நாமே இந்த அறிவுரையை-குர்ஆனை இறக்கியுள்ளோம்.  நாமே அதனைப் பாதுகாப்போம்  (15:9) எனும் வசனத்தின் மூலம் அல்லாஹ் அதனைத் தானே பாதுகாப்பதாக உத்தரவாதம் வழங்கியுள் ளான். அதுமட்டுமின்றி எல்லா மனிதர்களும் சில சில பாதிப்புகளால் இது போன்ற சூழ் நிலைக்கு ஆளாக் கப்படுவார்கள். அதனால் எல்லாவற்றையும் மறந்திருப்பாரோ என்று எவரும் எண்ணமாட்டார்கள், ஏனெ னில் உடல் நலக்குறைவால் கூட சில மாற்றங்கள், மறதிகள் ஏற்படத்தான் செய்யும. அது மட்டுமின்றி நபி(ஸல்)அவர்கள் மறந்துவிட்டதாகக்கூடக் கூறவில்லை அதுபோன்ற உணர்வு என்றுதான் கூறியுள் ளார்கள்.  இதுபோன்றே வஹி இறங்கியதை நபி(ஸல்) அவர்கள் அறிவித்ததை ஏற்றுக் கொள்ளக்கூடாது என்பதற்காக சூனியம் செய்யப்பட்டுள்ளார் என்று காஃபிர்கள் கூறினார்கள். இவர் மனிதர், மனிதரால் இறைச் செய்தியைக் கொண்டு வரமுடியாது என்றும் கூறினர். சூனியம் செய்யப்படாத காலத்தில் சூனி யம் செய்யப்பட்டுள்ளார் என்று கூறியதை அல்லாஹ்வே மறுத்து சூனியம் செய்யப்படவில்லை என்று கூறினான். அதே நேரத்தில் மனிதரையே நபியாக ஆக்கியதால் நான் ஒரு மனிதர்தான் என்று நபி யையே கூறச் செய்தான். நபி (ஸல்) அவர்களே தனக்கு சூனியம் செய்யப்பட்டுள்ளது என்று கூறியதாக ஆதாரப்பூர்வமான ஹதீஸ்களில் வருவதால் அதை நாம் ஏற்றுக் கொள்ள வேண்டும். அல்லாஹ் மிக்க அறிந்தவன்.