Home / இமாம் அல்பானி ரஹிமஹுல்லாஹ் அவர்களின் அஸ்-ஸில்ஸிலா அழ்-ழஈபா வல்-மௌலூஆ / இமாம் அல்பானி ரஹிமஹுல்லாஹ் அவர்களின் அஸ்-ஸில்ஸிலா அழ்-ழஈபா வல்-மௌலூஆ என்ற நூலின் ஆதாரபூர்வமற்ற ஹதீஸ்கள் தொடர் 05 |

இமாம் அல்பானி ரஹிமஹுல்லாஹ் அவர்களின் அஸ்-ஸில்ஸிலா அழ்-ழஈபா வல்-மௌலூஆ என்ற நூலின் ஆதாரபூர்வமற்ற ஹதீஸ்கள் தொடர் 05 |

ஆதாரபூர்வமற்ற செய்திகள்
01/05

தொகுப்பு :இமாம் அல்பானி ரஹிமஹுல்லாஹ்

மொழிபெயர்ப்பு :ஷுஐப் உமரி

ஹதீஸ்:

யாரேனும் ஒரு அடியான் அல்லாஹ்வுக்காக ஏதாவது ஒன்றை விட்டால் அல்லாஹ் அதற்குப் பகரமாக அவனுடைய தீனுக்கும் துன்யாவுக்கும் சிறந்த ஒன்றை வழங்குவான்.

விமர்சனம்:

இந்த வாசகம் இட்டுக்கட்டப்பட்டதாகும். (வேறு வார்த்தையில் ஆதாரபூர்வமானதாக இறுதியில் வரும்)ஹிஜ்ரி 1379 ரமழானில் டமஸ்கஸ் வானொலியில் ஒருவர் சொல்லக் கேட்டேன்.

இந்த செய்தி இமாம் அபூநுஐமுடைய ஹில்யதுல் அவ்லியா 2/196,
இமாம் தைலமியின் பிரபலமற்ற ஹதீஸ்கள் தொடுக்கப்பட்ட ஹாபிழ் இப்னு ஹஜரின் அல்கغராயிபுல் முல்தகதா 4/27,
இமாம் ஸிலபியின் துயூரிய்யாத் 2/200,
இமாம் இப்னு அஸாகிருடைய தாரீகு திமிஷ்க் 3/208/2, 15/79/1,
ஆகிய கிரந்தங்களில் பதிவாகியுள்ளது.

இதன் அறிவிப்பாளர் வரிசை இட்டுக்கட்டப்பட்டுள்ளது.ஏனெனில் அதில் இமாம் ஸுஹ்ரிக்கு கீழுள்ள எவரும் ஹதீஸ் கிதாபுகளில் கூறப்படுபவர்கள் அல்ல. அப்துல்லாஹ் இப்னு ஸஃதைத் தவிர. அவர் கூட பொய்யர் என்றே அறியப்படுகிறார்.

“இவர் ஹதீஸ்களை இட்டுக்கட்டும் பொய்யர்’ என்று இமாம் தாரகுத்னீ கூறுகிறார். ‘அவர் மிகவும் பலவீனமானவர்’ என்று
அஹ்மத் இப்னு அப்தான் கூறுகின்றார்” என்று இமாம் தஹபீ மீஸானுல் இஃதிதாலிலும், தொடர்ந்து இமாம் இப்னு ஹஜர் லிஸானுல் மீஸானிலும் கூறியுள்ளனர்.

இன்னுமொரு அறிவிப்பாளரான பக்கார் இப்னு முஹம்மத் என்பவர் பற்றி தாரீகு திமிஷ்கில் கூறியுள்ள இமாம் இப்னு அஸாகிர் அவரது நம்பகத்தன்மை பற்றி எதுவும் கூறவில்லை.

என்றாலும் பின்வரும் அறிவிப்பு ஆதாரபூர்வமானதாகும்.

யாரேனும் ஒரு அடியான்
அல்லாஹ்வுக்காக ஏதாவது ஒன்றை விட்டால் அல்லாஹ் அதற்குப் பகரமாக சிறந்த ஒன்றை அவனுக்கு வழங்குவான்.

இது இமாம் வகீஉடைய ஸுஹ்த் 2/68/2, அவரிடமிருந்து இமாம் அஹ்மதுடைய முஸ்னத் 5/363,,இமாம் குழாஈ உடைய முஸ்னதுஷ் ஷிஹாப் 1135,
இமாம் அஸ்பஹானி உடைய தர்கீப் 1/73
ஆகிய கிதாபுகளில் பதிவாகியிருக்கிறது.

இதன் அறிவிப்பாளர் வரிசை ஸஹீஹ் முஸ்லிமுடைய அறிவிப்பாளர் வரிசையின் தரத்திலுள்ளதாகும்.

இதே செய்தியை உபை இப்னு கஃப் ரழியல்லாஹு அன்ஹு வழியாக துணை ஆதாரத்துடைய தரத்திலான அறிவிப்பாளர் வரிசையுடன் இமாம் அஸ்பஹானி பதிவு செய்துள்ளார்.

தொடரும் இன்ஷா அல்லாஹ்…

Check Also

இமாம் அஹ்மதின் “முஸ்னத்” பற்றிய சுருக்கமான பார்வை…

(ஹதீஸ் கலையில் ஆர்வமுள்ளவர்களுக்கு) உங்களது தந்தை (இமாமுஸ் ஸுன்னா இமாமுனா அஹ்மத்) அவர்கள் பத்து இலட்சம் ஹதீஸ்களை மனனம் செய்திருந்தார்கள் …

Leave a Reply

Your email address will not be published. Required fields are marked *