Home / இமாம் அல்பானி ரஹிமஹுல்லாஹ் அவர்களின் அஸ்-ஸில்ஸிலா அழ்-ழஈபா வல்-மௌலூஆ / இமாம் அல்பானி ரஹிமஹுல்லாஹ் அவர்களின் அஸ்-ஸில்ஸிலா அழ்-ழஈபா வல்-மௌலூஆ என்ற நூலின் ஆதாரபூர்வமற்ற ஹதீஸ்கள் தொடர் 07 | மௌலவி ஷுஐப் உமரி |

இமாம் அல்பானி ரஹிமஹுல்லாஹ் அவர்களின் அஸ்-ஸில்ஸிலா அழ்-ழஈபா வல்-மௌலூஆ என்ற நூலின் ஆதாரபூர்வமற்ற ஹதீஸ்கள் தொடர் 07 | மௌலவி ஷுஐப் உமரி |

ஆதாரபூர்வமற்ற செய்திகள்: 01/07

தொகுப்பு : இமாம் அல்பானி ரஹிமஹுல்லாஹ்

மொழிபெயர்ப்பு :ஷுஐப் உமரி

ஹதீஸ்:

இரண்டு விடயங்களை நெருங்க வேண்டாம் :அல்லாஹ்வுக்கு இணைவைத்தல்,மக்களுக்கு தீங்கு விளைவித்தல்.

விமர்சனம்:

இந்த வார்த்தை பிரபலமானதாக இருந்தாலும் எந்த ஹதீஸ் கிரந்தங்களிலும் இடம்பெறுவதில்லை

இமாம் கஸ்ஸாலி உடைய இஹ்யா உலூமித்தீன் 2/185 இல் பின்வருமாறு இடம் பெற்றுள்ளது.

“இரண்டு விடயங்கள் இருக்கின்றன. அவற்றை விடக் கெட்டது எதுவுமில்லை : அல்லாஹ்வுக்கு இணைவைத்தல், மக்களுக்கு தீங்கு விளைவித்தல்.

இன்னும் இரண்டு விடயங்கள் இருக்கின்றன. அவற்றை விட நல்ல செயல் எதுவுமில்லை. அல்லாஹ்வை நம்புவதும், அவனது அடியார்களுக்கு பயனளித்தலும் ஆகும்.”

இதுவும் எந்த ஹதீஸ் கிரந்தங்களிலும் இடம்பெறாததாகும். இஹ்யாவை பகுப்பாய்வு செய்த இமாம் இராகீ, :
அலீ ரழியல்லாஹு அன்ஹு வழியாக இமாம் அபூஷுஜாஃ அத்தைலமீ தனது “பிர்தவ்ஸ்” இல் இதனைப் பதிவு செய்திருக்கிறார்.

(ஆனால் “பிர்தவ்ஸ்” உடைய செய்திகளுக்குரிய அறிவிப்பாளர் வரிசையை தொகுத்து வழங்கிய) அவரது மகன் அபூமன்ஸூர் அத்தைலமீ இந்த செய்திக்குரிய அறிவிப்பாளர் வரிசையைக் கூறவில்லை.” என்று கூறுகின்றார்.

இஹ்யாவில் பதியப்பட்டிருக்கும்
அறிவிப்பாளர் வரிசை இல்லாத ஹதீஸ்களின் பட்டியலில் இதனை இமாம் ஸுப்கீ சேர்த்துள்ளார். 4/156

தொடரும் இன்ஷா அல்லாஹ்…

Check Also

இமாம் மாலிகின் “முவத்தா” அறியப்பட வேண்டிய அறிவுக்களஞ்சியம்.

(ஹதீஸ் கலையில் ஆர்வமுள்ளவர்களுக்கு) முவத்தா என்பதன் பொருள் ஒழுங்குபடுத்தப்பட்டது, இலகுபடுத்தப்பட்டது, நெறிப்படுத்தப்பட்டது என்பதாகும். முவத்தா என்ற தொகுப்பில் நபிகளாரோடு இணைக்கப்பட்ட …

Leave a Reply